Thursday, October 3, 2013

Meistaramánuður - 3.10 - Dagur 3

Dagur 3.

Byrjunarþyngd 1.okt - 116,7 kg

Vigtun 3.okt - 113,4 kg 

Samtals kg farin =  3,3 kg


Það er kominn fimmtudagur og er ég á dagvöktum , sem er þrælfínt þegar maður er að taka svona á því , því að þá er sólarhringurinn hjá manni sem eðlilegastur.

Við Jóhanna erum búin að fara síðustu tvo daga í ræktina á kvöldin , og stefnan er tekin á ræktina í kvöld líka. Ég ætla að vera alveg extra manískur þennan mánuðinn , þannig að ég reikna með ræktinni 5-6 sinnum í viku , sérstaklega þegar ég sé kílóin fjúka af mér þessa dagana. En ég veit manna best að fyrstu dagana , þá er þetta mestmegnis vökvalosun og því ekki hægt að einblína á kílótöluna svona til að byrja með , en þó virkar það alltaf hvetjandi fyrir mig að sjá þetta lækka.

Þessa vikuna er ég að tækla þrjár máltíðir í vinnunni , þ.e morgunmat , hádegismat og millimál en svo tek ég kvöldmatinn heima , fer svo í ræktina og tek svo prótein eftir ræktina , svo er ég einnig að taka inn amino-energy fyrir ræktina þessa dagana og það er að virka alveg hellings fyrir mig , orkan er gífurleg í ræktinni.

Nú fer að nálgast helgi og helgarnar eru alltaf erfiðastar, varðandi það að falla ekki í freistni og núna er Jóhanna að fara norður um helgina ,þannig að ég verð að halda hausnum í lagi og drattast í ræktina og halda mér uppteknum svo maður verði ekki nammipúkanum að bráð.

1.vigtun í Biggest Loser keppninni er yfirstaðin , en hún fór fram í gær. Ég notaði öll trixin í bókinni í fyrstu vigtun. Ég var búinn að fá mér morgunmat, kaffi og millimál áður en ég steig á vigtina og klæddist frekar þykkum fötum , þannig að ég get verið viðbúinn í næstu viku að vera í léttum fötum og vera á aðein fastandi maga .... ég mun gera ALLT til að vinna þessa keppni.

Liðið mitt heitir "Nautna-Sekkirnir"  .... og já ... það var ég sem kom með nafnið.


kv. Binni


Wednesday, October 2, 2013

MEISTARAMÁNUÐUR - OKTÓBER 2013

Komið þið sæl gott fólk.

Það er nú ekki stefnan að byrja að blogga aftur af krafti , heldur var hugsunin miklu frekar að skrá niður hugsanir mínar, markmið og árangur (og hugsanlega eitthvað væl og pepp) í þessum fallega októbermánuði.

Hví þá ?

Jú , því það er auðvitað meistaramánuður og hann skal tekinn með trukki.

Stefnan er náttúrulega tekin á það að borða hollt og gott og ekki missa sig í neitt sælgæti , gos , áfengi, brauðmeti eða neitt því un líkt !!!!!

Síðustu mánuði hefur maður því miður bætt alveg hrikalega mikið á sig, sérstaklega í kjölfar þess að maður hætti að reykja fyrir rúmum fjórum mánuðum síðan og var maður orðinn 119 kg í lok ágúst og því fór maður á fullt í september að dúndra aukakílóum af sér , sem gekk vel framan af en þó ekki nógu stíft.

Tækifærið gafst þó að slá tvær flugur í einu höggi í byrjun október, því að meistaramánuðurinn rann upp núna í gær og um leið er hafin keppni í vinnunni hjá mér sem nefnist "Biggest Loser RB" sem gengur út á það að missa sem flest kíló á 6 vikum.

Ég hef aldrei verið eins ákveðinn í að vinna neitt á ævi minni eins og þessa keppni og ég stefni á það að missa allavega 10 kg í októbermánuði og fyrir það að vinna þessa keppni í vinnunni fær maður 50 þús kr, sem ég myndi nota fyrir gott málefni , sem ég mun segja frá síðar .. þ.e.a.s ef ég vinn verðlaunin ... sem ég ætla að gera !

En ég mun reyna að vera duglegur að henda inn bloggum núna næstu vikur.

kv . Binni


Upphafsþyngd 1.okt  -   116,7 kg

Vigtun 2. okt   - 115 kg 


Samtals kíló farin í okt :    1,7 kg